“Магчыма, вы бачылі навіну пра Жыткавічы і вам таксама не падабаецца, што ў месцы, дзе была раней беларуская мова, цяпер будзе расейская. Калі так, варта скапіяваць зварот (ніжэй) і даслаць сюды”, – звяртаецца да аўдыторыі сваіх сацсетак актывіст Ігар Случак.
Фота: сацсеткі Ігара Случака
Аўтар паведамлення прапаноўвае падпісчыкам тэкст тыповага звароту, які можна накіраваць у органы мясцовай улады: “У горадзе Жыткавічы плануецца будаўніцтва новага ўязнога знака горада. Гэты знак будзе ўстаноўлены на ўчастку паблізу прымыкання мясцовай аўтадарогі да трасы «Гомель — Кобрын». На праекце знака назва горада выканана па-руску: «Житковичи». Разам з тым, стары знак на тым жа месцы мае беларускамоўны надпіс: “Жыткавічы”. Улічваючы гэта, а таксама тое, што Жыткавіцкі раён лічыцца адным з самых беларускамоўных у Гомельскай вобласці (амаль 83% жыхароў Жыткавіцкага раёну назвалі роднай беларускую мову), ПРАШУ: Выканаць надпіс на знаку на беларускай мове “Жыткавічы”.
“Каб ад вашага паведамлення было складаней адмахнуцца, можна дадаць у шапку вашыя персанальныя дадзеныя (калі камфортна) – прозвішча, імя, імя па бацьку, адрас, а таксама іх рэквізіты”, – раіць Ігар Случак.
Адрасы, на якія трэба адпраўляць звароты:
Жыткавіцкі раённы выканаўчы камітэт
isp@zhitkovichi.gov.by
ДА «Жыллёва-камунальная гаспадарка гомельскай вобласці»
gogkh@gomel-region.gov.by
КУП “Жыткавіцкі камунальнік”
gkx14@gkx14.by
gkx14@mail.gomel.by
