25-цігадовы Раман Чаховіч нарадзіўся ў Гомелі. Скончыў Гомельскую Ірынінскую гімназію. Потым вучыўся ў Мінску і застаўся працаваць там тавараведам. Як сказаў на гульні Раман, сувязь з родным горадам ён не губляе і перыядычна наведвае яго. Хлопец мае нестандартнае хобі – калекцыяніраванне відэакасет.
У “Сваёй гульні” Раман удзельнічаў упершыню. У першых двух турах Чаховіч не быў лідарам. Але ў трэцім туры вырваўся наперад настолькі, што нават пры недарэчным адказе на фінальнае пытанне ён абышоў і менеджара з Севастопаля, і біёлага з г. Алатыр.
Згодна з правіламі, пераможца аўтаматычна трапляе ў наступную гульню.
Варта адзначыць, што “Свая гульня” фактычна адзінае інтэлектуальнае шоу на расійскім тэлебачанні, якое папулярызуе выключна інтэлектуальныя каштоўнасці і веды, а не прапагандысцкія наратывы.
Фота: уліковы запіс у Фэйсбук Рамана Чаховіча
