У ноч на 5 студзеня, па звестках украінскага боку, армія РФ атакавала Украіну дзевяццю ракетамі «Іскандэр-М/С-300» і 165 ударнымі беспілотнікамі.
«У Чарнігаве ўначы прагрымела серыя выбухаў. Папярэдне, камбінаваны ўдар з розных відаў зброі. Былі трапленні на розных лакацыях — гаражны кааператыў, адна з устаноў адукацыйнай сферы, прыватныя дамы. Ёсць разбурэнні. На месцах трапленняў працавалі агняборцы», – напісаў кіраўнік Чарнігаўскай абласной дзяржаўнай адміністрацыі Вячаслаў Чаўс.
Толькі за мінулыя суткі ў вобласці было 65 абстрэлаў — 95 выбухаў, збітыя 148 ударных дронаў.
Вынікам абстрэлаў у ноч на 5 студзеня без электрычнасці засталіся некаторыя жыхары Чарнігаўскай абласцей. Цалкам без святла – горад Славуціч.
У самым канцы 2025 года мясцовыя ўлады вымушана абвясцілі пра абавязковую эвакуацыю 14 памежных сёл Чарнігаўскай вобласці. Там пад абстрэламі да гэтага часу жылі каля 300 чалавек.