У Гомелі завяршаецца будаўніцтва касцёла ў гатычным стылі

Будаўніцтва касцёла ідзе з 2017 года на ўездзе ў Гомель. Як расказвае кіраўнік мясцовага прыхода, з’яўленню храма паспрыяў нябожчык біскуп Казімір Вялікасялец.

«Комплекс будзе выкананы ў гатычным стылі. Ён стане адзіным такім у Гомелі», — расказаў галоўнай прапагандысцкай газеце вобласці настаяцель храма Узнясення Найсвяцейшай Дзевы Марыі Леанард Адушкевіч.

Па яго словах, будынак будзе ўзведзены з чырвонай цэглы, у храма будуць дзве вежы вышынёй 26 метраў, унутраная зала — 16 на 26 метраў, а само месца, дзе праводзіцца імша — 6 на 9 метраў.

Будаўніцтва ідзе амаль дзесяць гадоў і завершыцца не раней, чым праз два гады. У 2026-м абшчына спадзяецца дарабіць сцены і накрыць будынак дахам, затым зоймуцца вокнамі. Узвядзенне касцёла ідзе на ахвяраванні прыхаджан, як расказвае святар.

Сёння вернікі могуць маліцца ў капліцы, якая знаходзіцца побач з будучым касцёлам. У нядзелі туды прыходзяць каля ста чалавек.

Штодзень

Related posts

“Размова запісваецца”. Гамяльчанін паскардзіўся на ваду, а ў 115 зрабілі заўвагу яму самому

Старадаўнія строі і народныя танцы: Ларыса Шчыракова запрашае на этнафотасэты ў Беластоку

“Горшых дарог няма нідзе ў Беларусі”. Мазырчукі абмяркоўваюць ямы, якія перажылі змену кіраўніка