У ГДУ імя Францыска Скарыны цяпер навучаюцца сотні грамадзян Кітая, і толькі на адной спецыяльнасці — “Фізіка” — іх ужо 220 чалавек, гаворыцца ў паведамленні на сайце ўстановы.
Фота: Сайт ГДУ імя Фр. Скарыны
Кітайскія студэнты прыязджаюць у Гомель у межах супольнай адукацыйнай праграмы, якая дзейнічае паміж дзвюма ўніверсітэтамі. Яны вывучаюць фізіку і інфармацыйныя тэхналогіі, праходзяць навучанне на англійскай і рускай мовах. Падчас сустрэчы кіраўніцтва абмеркавала вынікі праграмы і перспектывы пашырэння супрацоўніцтва — у тым ліку адкрыццё новых спецыяльнасцяў для студэнтаў з Кітая.
Сёлета Гомельскі ўніверсітэт актыўна пашырае геаграфію кантактаў у Азіі. Напрыклад, нядаўна ў Фергане адбылося падпісанне дамовы аб навукова-тэхнічным супрацоўніцтве з Нацыянальным універсітэтам Узбекістана імя Мірза Улугбека. Падчас форума таксама адкрылі аўдыторыю імя Якуба Коласа, што сімвалічна павінна падкрэсліваць “культурна-гуманітарнае збліжэнне” паміж дзвюма краінамі.
Яшчэ нядаўна Гомельскі ўніверсітэт меў шырокія сувязі з Еўропай: сярод партнёраў былі Універсітэт Клермон-Авернь (Францыя), Лундскі і Упсальскі ўніверсітэты (Швецыя), Ягелонскі ўніверсітэт (Польшча), Універсітэт Аалта (Фінляндыя). Гэтыя кантакты дазвалялі студэнтам удзельнічаць у праграмах Erasmus+, праходзіць абмены і навуковыя стажыроўкі.
Аднак пасля 2020 года і выхаду Беларусі з Балонскага працэсу практычна ўсе еўрапейскія праграмы былі згорнутыя.
