Запусціла “праект” праўладная партыя “Белая Русь”. У яго ўваходзіць стварэнне сайта (не змаглі запусціць), бранзалет з адрасам гэтага сайта (не змаглі) і куфар з “бацькавай кашуляй” (выдалі першыя 1 чэрвеня).
Падставай для ініцыятывы стала заява Лукашэнкі: “Трэцяе дзіцё – маё!” Ініцыятары ў партыі думаюць, што “куфэрак будуць перадаваць з пакалення ў пакаленне”.
На фота прапаганды бачна, што для выкананне гэтай ініцыятывы ў Гомелі, злавілі на выпісцы з лякарні сям’ю, якая была абсалютна шакаваная ідэяй чыноўнікаў. Іх сустракалі чыноўнікі (сярод іх вядомая ў Гомелі Аксана Рудзянок, пра якую пісаў Штодзень), галоўрач і група дзяўчатаў у народных строях. Адна з чыноўніцаў трымала на руках ручнік, а на ім невялікі куфэрак, у якім ляжала белая сарочка на немаўля і паперка з надпісам “Легенда”. Не кожны глядач зразумее, чаму гэтая кашуля бацькава.
У той кашулі, што ўручылі сям’і з Гомеля гэтага аксэсуара няма, але праўладная партыя паказала ў далейшым хіба ўдасканалены варыянт, якая падвязваецца стужкамі з чырвона-зялёнымі надпісамі “Трэці – бацькаў”.
Новая ініцыятыва ўладаў выклікае такі ж лёгкі шок, які напісаны на тварах сям’і з Гомеля: сама заява Лукашэнкі абсалютна бессэнсоўная і беспардонная, рабіць з яе нацыянальны праект – прыкладна як есці корм для рыбак, які той пахваліў.
Штодзень
Чытаць па тэме:
Узлёты і падзенні чыноўніцы Аксаны Рудзянок