Выязны суд прайшоў у актавай залі Чачэрскага тэхналагічнага каледжа, адзін з хлапцоў – студэнт гэтай установы. Абодва былі пакараныя абмежаваннем волі на працяглыя тэрміны.
Гэты суд стаў завяршэннем гісторыі, якая пачалася яшчэ ў кастрычніку 2023 года. Па звестках мясцовай раёнкі, тады двое хлопцаў пашкодзілі сякерамі плітку каля помніка брацкай магілы салдатаў Другой сусветнай вайны і агароджу калі мясцовага дома культуры.
Пад час суду, паведамляе раёнка, маладыя людзі віны прызналі і пакаяліся. Патлумачыць прычыны ўчынкаў не змаглі, казалі пра нематываваную злосць. У мінулым годзе абодва вызваліліся з установы закрытага тыпу.
Маладыя людзі аплацілі шкоду. Аднаму з іх, якому ўжо споўнілася 18 год, суд прызначыў пакаранне ў 4 гады «хіміі», другому непаўналетняму – 3 гады «хатняй хіміі». Асобна ім патлумачылі, што гэтае пакаранне можа быць змененае на калонію.
Гэты суд працягнуў ганебную практыку публічных судоў. Гледачамі сталі студэнты тэхкаледжу. Пры іх жа адбывалася і затрыманне ў снежні 2023 года. Абодва хлапца тады былі арыштаваныя.
Штодзень
Фота: Чечерский вестник
