Жыхарка Мазыра спадзявалася нараджаць у абноўленай гарадской радзільні, але тая пакуль зачыненая на рамонт. Жанчына атрымала накіраванне ў Гомельскі абласны радзільны дом, дзе разлічвала на партнёрскія роды. Аднак, як яна у сацсетках, у Instagram установы з’явілася паведамленне, што партнёрскія роды часова прыпынілі праз загружанасць.
“Да апошняга спадзявалася, што паспеюць скончыць рамонт і буду нараджаць у новенькай радзільні, але не лёс. Застаецца маленькая надзея, што за чатыры тыдні нешта зменіцца”, — напісала яна.
У каментарах ёй параілі разгледзець другую і трэцюю радзільні Гомеля: паводле карыстальніц, там ёсць магчымасць партнёрскіх родаў. Аўтарка допісу адказала, што мае накіраванне менавіта ў абласную радзільню і не ўпэўненая, ці зможа дамовіцца з іншай установай.
Ці паспяваюць з рамонтам у Мазыры?
Яшчэ 8 кастрычніка “Штодзень” пісаў, што мазырчукі сумняваліся, ці адкрыецца радзільня ў лістападзе. Адна з жыхарак тады расказвала, што бачыла працы ў будынку амаль штодня. Завяршыць рамонт планавалі ў лістападзе 2026 года. Відаць, не паспелі.
Штодзень
Можна пачытаць па тэме:
Чаму ў Беларусі ўпала нараджальнасць: што кажуць беларусы
Свята на родах: беларуска параўнала радзільні ў Польшчы і Беларусі