Гомельскія праўладныя каналы сцвярджаюць, што рэжым контртэрарыстычнай аперацыі ёсць. І вельмі даўно.
Пакуль у Мінску не могуць вызначыцца, ёсць альбо няма рэжыму контртэрарыстычнай аперацыі, гомельскія праўладныя каналы запэўніваюць, што такі рэжым ёсць. Але ён не датычыць цывільных, а толькі вайскоўцаў.
Спачатку пра ўвядзенне рэжыму контртэрарыстычнай аперацыі распавёў міністр замежных спраў Уладзімір Макей у інтэрв’ю расейскай газеце “Ізвестія”. Потым КДБ заявіў, што такі рэжым у Беларусь не ўводзілі. А Лукашэнка сказаў, што ў Беларусі ўведзены рэжым павышанай тэрарыстычнай небяспекі.
А гомельскія праўладныя каналы за рэспубліканскімі ўладамі, відаць, не паспяваюць. Яны напісалі, што контртэрарыстычная аперацыя праводзіцца даўно ў межах некалькіх рэгіёнаў і ў межах вучэнняў. Цікава, што праўладныя каналы напішуць пазней, пасля заяваў КДБ і Лукашэнкі.
Штодзень