Зусім побач з аграгарадком Азяраны Жыткавіцкага раёна поле – месца падкормкі зуброў у Нацыянальным парку «Прыпяцкім». У суворую зіму гэтага года, калі здабываць корм стала цяжка, правадырка статка прыйшла рашэння вывесці яго з леса. Каля дамоў зубры ўжо каля трох тыдняў.
Такі вялікі статак каля дамоў у Гомельскай вобласці – рэдкасць. Асноўнае месца жыхарства для іх у Беларусі – Белавежская пушча, і раней у нашым рэгіёне іх бачылі рэдка і паасобку.
Мясцовыя жыхары распавялі абласной газеце, што зубры пад вечар яшчэ бліжэй падыходзяць і не баяцца людзей.
У падкормку звяроў уваходзіць авёс, кукуруза, сена, морква. Абавязкова даюць зубрам і соль для атрымання жыццёва неабходным ім мінералаў. За суткі кожны з іх з’ядае 5 кілаграмаў сена, два кілаграмы аўса ці кукурузы, тры кілаграмы морквы і 50 грамаў солі.
Чакаецца, што з пацяпленнем зубры зноў вярнуцца ў лес.
Спецыялісты раяць назіраць за звярамі здалёк. Яны хоць і неагрэсіўныя, але вялікія і ў выпадку, калі адчуюць небяспеку могуць павесці сябе непрадказальна. Эксперты таксама раяць не прыкармліваць жывёлаў, трэба каб яны не атрымалі звычкі знаходзіцца з людзьмі, а вярнуліся ў дзікую прыроду.
