273
Дзяржтэлеканалы анансавалі сюжэт пра затрыманне першага «японскага шпіёна». У фрагменце відэа ён называе сябе Наканісі Масатосі. Чалавек з такім імем доўгі час жыў у Гомелі, ягоная жонка беларуска.
- Наканісі Масатосі жыве ў Гомелі як мінімум з 2018 года, вучыў там рускую мову, пасля ажаніўся з беларускай. Хто яна, невядома.
- З 2019 года ён два разы на тыдзень выкладаў японскую мову на курсах у Гомельскім дзяржаўным універсітэце.
Новы набор на іх быў абвешчаны ў траўні, пачатак заняткаў асноўнай групы чакаўся ў верасні. І хаця Масатосі ў абвестцы не згадваўся, але быў на фота.
- Ён быў удзельнікам сустрэчы з паслом Японіі. Тады канкрэтныя вынікі гэтай сустрэчы не агучваліся, але ў гэтым годзе вядома, што падручнікамі слухачы курсаў забяспечваліся дзякуючы гранту ад амбасады.
- Масатосі не толькі вёў курсы, але і ладзіў мерапрыемствы для аматараў японскай культуры ў ГДУ. Напрыклад, у 2023 годзе «Японская вясна ў Гомелі».
- Ён таксама займаўся бізнесам. У некаторых крыніцах яго называюць таксама кіраўніком фірмы «БелНіхонінтэрнэшнл». Яна існавала з 2019 года. У 2020 годзе Масатосі ўдзельнічаў у інвестфоруме ў Магілёўскай вобласці, «вёў размовы пра перспектывы гандлёва-эканамічнага супрацоўніцтва паміж Японіяй і Магілёўскім раёнам», у 2021 годзе вывучаў інвестыцыйны патэнцыял Гродзенскай вобласці, але ў тым жа годзе прымае рашэнне пра ліквідацыю сваёй фірмы і ў 2022 годзе ліквідуе яе.
- У 2023 годзе выкладчык настолькі абжыўся ў Беларусі, што акунаўся палонку ў студзені на Хрышчэнне. А ў 2024 годзе ўступіў у дзяржаўны прафсаюз работнікаў адукацыі і навукі.Штодзень
