Творы Дуніна-Марцінкевіч цяпер зноў не экстрэмісцкія. Праўда, не ўсе

Двухтомнік Дуніна-Марцінкевіча выключылі са спісу “экстрэмісцкіх матэрыялаў”. Першапачаткова яго прызналі экстрэмісцкім у лістападзе 2023 года. Рашэнне вынес суд Жыткавіцкага раёна. Аднак цяпер, двухтомнік Дуніна-Марцінкевіча, які выйшаў у дзяржаўным выдавецтве “Мастацкая літаратура” ў 2007 і 2008 гадах, не з’яўляецца экстрэмісцкім, заўважыла Вясна Брэст.  Гомельскі абласны суд адмяніў рашэнне суда Жыткавіцкага раёна.

Але ў велічэзным спісе экстрэмісцкіх матэрыялаў усё яшчэ маюцца творы Дуніна-Марцінкевіча, прызнаныя экстрэмісцкімі. Гэта, у прыватнасці, прадмова Язэпа Янушкевіча да кнігі беларускага класіка з серыі “Беларускі кнігазбор”. А таксама два вершы самога пісьменніка — “Плывуць вятры” і “Гутарка старога дзеда”, якія таксама былі ўключаныя ў серыю “Беларускі кнігазбор”. Гэтыя вершы былі напісаныя падчас вызвольнага паўстання пад кіраўніцтвам Кастуся Каліноўскага.

Нагадаем, твор Вінцэнта Дуніна-Марцінкевіча “Пінская шляхта” ўключаны ў школьную праграму па беларускай літаратуры за 9 клас.

Штодзень

Related posts

Гомельская мытня правярае ўсе пасылкі, якія прыходзяць з Расіі і іншых краінаў ЕЭАС. Шукаюць дроны

На прыступкі да мемарыялу “Дзецям – ахвярам вайны” пойдзе болей грошай, чым на аздараўленне ветэранаў у Гомельскай вобласці

Добраахвотніка з Гомеля «Волата» просяць пасмяротна ўганараваць званнем Героя Украіны