Дзяўчына захацела вярнуцца працаваць у школу. Вось што ёй распавялі пра заробкі і ўмовы працы

“Праз дзесяць год перапынку ёсць шалёная думка вярнуцца ў школу, першая змена, як правіла ўсё роўна вольная, працуючы анлайн не хапае руху. Але ці каштуе таго?” – напісала Вікторыя, якая займаецца пазашкольным навучаннем ангельскай мове, у сацсетках. Штодзень пачытаў, якія парады ёй далі.

1. Настаўнік пачатковых класаў, 2 гадзіны бясплатнага гуртка, 1 платнага, факультатывы. 2200-2300 рублі заробку. Калі хочацца болей – трэба браць яшчэ класнае кіраўніцтва, вядзенне дакументацыі, падоўжанку і сацсеткі.
2. Настаўнік пачатковых класаў без гурткоў, вышэйшая катэгорыя. 2700-2800 на рукі.
3. Гомель. Максімальная нагрузка, класнае кіраўніцтва. Заробак 1700 рублёў.
4. Настаўнік першай катэгорыі. Класнае кіраўніцтва, платны гурток, 30 гадзінаў працы па разліковаму лістку. 2000 рублёў на рукі.
5. Стаўка 1000 рублёў без даплат і класнага кіраўніцтва ў прадметнікаў. Часта працуюць у дзве змены з “вокнамі”ў графіку.

Адныя раяць не вяртацца, другія кажуць, вяртайцеся, калі любіце работу і дзяцей, “заробак і аванс заўсёды своечасова”.

Цікава будзе даведацца пазней, ці вярнулася Вікторыя ў школу.

Штодзень