Пашуковы атрад «Сімуран» паведаміў пра пяць мужчын, з якімі знікла сувязь у Расіі, з некаторымі яшчэ ў канцы 2023 года.
Размова ідзе, у прыватнасці, пра Віктара Грамыку з Гомеля. Ён можа знаходзіцца ў Санкт-Пецярбургу, куды з’ехаў у канцы 2023 года.
У пачатку 2024 года ў гэтым жа горадзе знік жыхар Веткі Анатоль Цішкоў.
Жыхар Клімаўкі Гомельскага раёну Міхаіл Самусенка не выходзіць на сувязь з лютага. Працаваў у Маскве.
Гісторыя жыхара Калінкавічаў Сяргея Рабака у гэтым шэрагу стаіць асабняком, бо ён з’ехаў на працу ў Маскву яшчэ ў 2008 годзе.
Некаторых людзей у Расіі атрымліваецца знайсці. Так Жыхар Гомеля Уладзімір Віннікаў выехаў ва Уфу, адтуль патрапіў у Калужскую вобласць, і там сувязь з ім перарвалася 14 студзеня. Мікалай Будзько знік у лістападзе 2023 года. Сёння стала вядома, што яны абодва жывыя.
«Штодзень» у сакавіку паведамляў пра знікненне Алега Суганякі, яго таксама ўжо знайшлі. Астатніх усё яшчэ шукаюць.
