180
Некалькі цягнікоў з Гомеля ў Маскву будуць прыходзіць са спазненнямі праз абвал моста ў раёне станцыі Вязьма Смаленскай вобласці. У прыватнасці, гаворка ідзе пра цягнікі №56 «Гомель – Москва» і №55 «Москва – Гомель», якія на перыяд аднаўленчых прац будуць хадзіць у абыход. Прыблізны час спазненняў дадзеных маршрутаў – 3,5-4 гадзіны.
Фота: МНС РФ
8 красавіка ў Вязьме на чыгунку абрынуўся аўтамабільны мост, у выніку чаго загінула адна жанчына і некалькі чалавек пацярпелі. Праз гэтае здарэнне рух цягнікоў на перагоне Вязьма-Сямлёва на Смаленшчыне часова прыпыняецца. Жыхары Вязьмы некалькі год звярталі ўвагу мясцовых уладаў на аварыйны стан моста.
