Ілюстрацыйнае фота
У раённых выканкамах з’явіцца ад трох да некалькіх дзясяткаў асобнікаў Выбарчага кодэкса. Больш за ўсё бюджэтных сродкаў на дадзеную пакупку збіраецца выдаткаваць Хойніцкі райвыканкам: 525 рублёў. Тут збіраюцца набыць 42 асобнікі Выбарчага кодэксу. А таксама Акцябрскі выканкам: 500 рублёў пойдзе на набыццё 40 асобнікаў. Для параўнання: Гомельскі гарвыканкам набыў 10 асобнікаў кодэкса, на што пайшло 120 рублёў. Агулам для набыцця асобнікаў Выбарчага кодэксу для выканкамаў пойдзе як мінімум 2831 рубель (прыкладна 876 долараў). Так званыя выбары ў дэпутат Палаты прадстаўнікоў і дэпутаты мясцовых Саветаў дэпутатаў адбудуцца ў Беларусі 25 лютага. Выбарчыя акругі па выбарах дэпутатаў Палаты прадстаўнікоў ЦВК мусіць утварыць 27 верасня.
