На Рандоўскіх могілках у Гомелі адрамантавалі ўчастак магілы гітарыста і аднаго з заснавальнікаў Gods Tower Аляксандра Уракава. Раней там пачала правальвацца плітка, і гурт абвясціў збор сродкаў на рамонт — патрабавалася каля 500 беларускіх рублёў.
Цяпер на афіцыйнай старонцы Gods Tower у Facebook паведамілі, што плітку пераклалі, а магілу прывялі ў парадак.
“Сябры, вялікі дзякуй усім, хто адгукнуўся. На ўчастку пераклалі плітку і прывялі магілу ў парадак. На астатнія сродкі яшчэ ўсталюем столік побач з агароджай. Дзякуем усім, хто дапамог”, — напісалі музыкі.
Gods Tower — гомельскі метал-гурт, адзін з найбольш вядомых у беларускай цяжкай музыцы. Яго гісторыя пачалася ў 1989 годзе, калі Аляксандр Уракаў разам з вакалістам Уладзіславам Наважылавым, вядомым як Lesley Knife, стварыў калектыў. Уракаў быў аўтарам музыкі, якая вызначыла пазнавальнае гучанне гурта: цяжкі метал з фольк-матывамі. Музыкант памёр 14магіла Аляксандра Уракава снежня 2003 года ва ўзросце 29 гадоў.
