У Гомелі з’явіцца вуліца ў гонар расейскага чэкіста, які ўдзельнічаў у савецкай партызанцы ў гады вайны. Частка вулічна-дарожнай сеткі паміж вуліцамі Яфрэмава і Лепяшынскага будзе названая ў гонар нараджэнца Какчатаўскай вобласці Казахстану Мікалая Зябніцкага.
![](https://homeldays.org/wp-content/uploads/2022/11/de36b852.jpeg)
Маёр дзяржбяспекі Мікалай Зябніцкі
![](https://homeldays.org/wp-content/uploads/2022/11/2.jpg)
Дадзеныя з узнагароднага ліста Мікалая Зябніцкага. Фота: partizany.by
![](https://homeldays.org/wp-content/uploads/2022/11/zebnickiy-foto-kozhuhar-1.jpg)
Мемарыяльная дошка ў гонар Мікалая Зябніцкага прама на будынку Ўпраўлення КДБ па Гомельшчыне. Фота: Алег Кажухар
Пасля вызвалення Гомеля ад нацыстаў ён служыў у органах МГБ на тэрыторыі Гомельшчыны. Адметна, што мемарыяльная дошка ў гонар маёра дзяржбяспекі Зябніцкага ўсталяваная прама каля галоўнага ўваходу ў абласное ўпраўленне КДБ па Гомельшчыне, што сведчыць пра статуснасць гэтага чалавека ў вачах ягоных спадкаемцаў. Такім чынам, можна выказаць здагадку, што ініцыятыва аб увекавечанні магла наўпрост сыходзіць з гэтага ведамства.