Ілюстрацыйнае фота
Паводле інфармацыі “Штодня”, у суботу, 1 лютага, прама ў цэнтры вёскі Малажын (Брагінскі раён), раніцай (у раёне 7.00) упаў дрон. Вёска Малажын знаходзіцца амаль на мяжы з Украінай. Беспілотнік пры падзенні не выбухнуў, але людзей з некаторых дамоў адсялілі на суткі, пакуль не размініравалі.
Таксама мясцовыя скардзяцца на “дзіравае” СПА, якое не здольнае абараніць паветраную прастору: “У вёсках Брагіншчыны цішыня, толькі дроны лятаюць. Ноччу часам ідуць курсам з усходу на Брагін вельмі нізка апараты…”
Падзенне беспілотніка на Брагіншчыне – не першае здарэнне, звязанае з вайной. У пачатку вайны, як згадваюць вяскоўцы, расейскія самалёты па памылцы абстралялі ракетамі прыпамежную зону. “Калі рашысты па Украіне працавалі, то, відаць, пераблыталі цэлі. Адзін самалёт ішоў са зніжэннем з боку Грэблі (вёска ў 10 км ад Брагіна) і пусціў ракеты. Адна ўпала каля Хракавічаў, іншая паляцела ў бок Чамярысаў. Пажарам тады траву і сарай пашкодзіла. Ямы чынушы загадалі закапаць і сказалі ўсім маўчаць пра здарэнне”, – падзяліліся інфармацыяй са “Штоднём” жыхары Брагіншчыны.
Калі вам падаецца, што Штодзень патрэбны, падтрымайце нас праз патрэон