Пісаць лісты да Ларысы Шчыраковай можна на адрас СІЗА
Экс-журналістка Ларыса Шчыракова знаходзіцца ў СІЗА. У сваякоў атрымалася перадаць ёй перадачу. Сын Ларысы дагэтуль знаходзіцца ў сацыяльным прытулку.
Нагадаем, увечары 6 снежня Ларысу Шчыракову затрымалі, а яе сына змясцілі ў прытулак. Былую журналістку абвінавачваюць паводле артыкула 369-1 КК “Дыскрэдытацыя Рэспублікі Беларусь”. То бок Ларысе Шчыраковай пагражае да чатырох год абмежавання волі.
Адрас для лістоў: СІЗА №3, 246003, Гомель, вул. Кніжная, 1А. Шчыраковай Ларысу Фёдараўне.