Кіно без гледачоў: у Гомельскай вобласці круцяць фільм Азаронка

Прапаганда за два дні да «прэм’еры» ў Гомельскай вобласці пачала актыўна піярыць фільм самага адыёзнага прапагандыста Беларусі Рыгора Азаронка (раёнкі называюць яго «вядомым рэжысёрам» і «тэлежурналістам»). Але на аб’ёмах раздадзеных і прададзеных квіткоў гэта адлюстроўваецца слаба.

Пакуль на тое пра што фільм намякае трэйлер. Па сутнасці гэта набор вучэнняў сілавікоў, у перапынку паміж імі нервовы малады чалавек абвяшчае: «Мы зробім усё, каб у нас было мірнае неба…» Фільм створаны разам з Мінабароны і памежнікамі.

Квіткі на гэтую творчасць самага адыёзнага прапагандыста Беларусі прадаюцца па смешных коштах – 3 рублі. Пры гэтым квіткі «прададзеныя» толькі на два сеансы 12-га лютага, на сеансы 12 і 13-га – часткова (нават спецыяльная праграма памежнікаў не выратавала «продажы»), астатнія дні глядацкая заля цалкам свабодная.

У Жлобіне на прэм’еру змаглі распаўсюдзіць палову квіткоў (паказваць будуць адзін дзень). І, дзякуючы тэлеграм-каналу «Свабодны Жлобін, мы ведаем каго: «На прагляд у Жлобіне ў першую чаргу адправяць дзяцей з сярэдняй школы №12 і каледжаў. Паважаныя бацькі, беражыце псіхалагічнае здароўе сваіх дзяцей!»

У астатніх гарадах рэгіёна анлайн квіткі набыць немагчыма. Цалкам верагодна, што іх жыхарам не прыйдзецца марнаваць свой час на гэтую «творчасць».

Штодзень

Related posts

“За ідэю ці ілюзію заробку”. Гамяльчане зноў абмяркоўваюць нізкія зарплаты і цяжкасці з пошукам працы

У Гомелі некалькі выпадкаў суіцыду сярод падлеткаў

“Размова запісваецца”. Гамяльчанін паскардзіўся на ваду, а ў 115 зрабілі заўвагу яму самому