Прадстаўніцы аддзела кантролю і прымусовага выканання ў эфіры гомельскай тэлерадыёкампаніі распавялі пра кур’ёзныя выпадкі ў сваёй прафесіі.
«На «Боінг-737», які быў у нас у аэрапорце (наклалі арышт)», – распавяла начальнік аддзела кантролю і прымусовага выканання Наталля Блінова.
Боінг-737. Фота: Вікіпедыя
Паводле яе, самалёт належаў замежнай юрыдычнай асобе. Але, як яна дадала, да продажу ўсё ж справа не дайшла: «Бакі, юрыдычныя асобы паміж сабой дамовіліся. Але, напэўна, у рэспубліцы гэта быў адзіны выпадак, калі давялося судовым выканаўцам пачынаць гэтую работу».
Сярод іншых цікавых выпадкаў судовыя выканаўцы назвалі арышт, якія яны наклалі на 10 авечак, а таксама знаходзілі даўжнікоў пад ложкамі, на балконах, у шафах ці за печкай.
Трэба дадаць, што судовыя выканаўцы ў Беларусі таксама ўдзельнічаюць у пераследзе людзей, якіх пакаралі штрафамі за палітычную дзейнасць.
