14
У выніку ракетнага абстрэлу ва ўкраінскім Чарнігаве загінула 14 чалавек і 61 чалавек параненыя (па стане на 14.30). Яшчэ людзі застаюцца пад заваламі. Пошукава-выратавальная аперацыя працягваецца. Аднак улады Гомеля і вобласці зрабілі выгляд, што нічога не адбылося. Ні на сайце аблвыканкама, ні на сайце гарвыканкама няма ні слова спачування. Ніхто з кіраўніцтва Гомеля не ўсклаў кветкі ў памяць пра загінулых у Чарнігаве.
Скрыншот старонкі Гомельскага гарвыканкама за 17 красавіка
Скрыншот старонкі Гомельскага аблвыканкама за 17 красавіка
Чарнігаў знаходзіцца ад Гомеля прыкладна ў 107 км. Да вайны Гомель і Чарнігаў былі гарадамі-пабрацімамі. Аднак пасля таго, як у 2022 годзе з тэрыторыі Гомельшчыны расійскія войскі наступалі ў кірунку Кіева і пабраціма Гомеля – Чарнігава, чарнігаўцы афіцыйна абвясцілі аб прыпыненні пабрацімскіх сувязяў з горадам над Сажом.
