46-гадовы жыхар Гомеля «пераводзіў ахвяраванні для дзейнасці» фонда салідарнасці BYSOL, прызнага ў Беларусі экстрэмісцскім фармаваннем, паведамляюць дзяржСМІ.
Паводле іх, раней не судзімаму гамяльчаніну прысудзілі тры гады «хатняй хіміі».
Па звестках праваабаронцаў з «Гомельскай вясны» гаворка ідзе пра суд над былым галоўным інжынеры гомельскага ААТ “Мілкавіта” Аляксандрам Стругальскім. Паводле іх, прысуд быў вынесены ў Гомельскім абласным судзе 13 лютага па арт. 361-2 ( фінансаванне экстрэмісцкай дзейнасці) КК.
Сілавікі затрымалі Стругальскага яшчэ ў кастрычніку 2022 года. Тады праўладнымі каналамі паведамлялася, што мужчына таксама «спрабаваў сарваць правядзенне Рэспубліканскага рэферэндуму».