Прычынай экстраннай сітуацыі стаў прарыў трубаправода. Ад першага паведамлення пра праблему ад уладаў да апошняй скаргі ад жыхароў прайшлі амаль 24 гадзіны.
Пра пачатак рамонту ў акаўнце «КЖЭУП Рагачоў» паведамілі ў 16.00 4 студзеня. Без ацяплення і гарачай вады засталіся жылыя дамы па вуліцы Леніна (ад перакрыжавання з вул. Бабруйскай да вул. Кастрычніцкай) і часткова прылеглых жылых дамах па вуліцах Карла Лібкнехта, Кастрычніцкай, Савецкая, Казлова.
Пры гэтым у Рагачове быў мароз да -12, сёння днём тэмпература не падымалася вышэй за -9.
«Дзякуй, што ёсць пакой з балконам) У ёй зараз і грэемся, таму што ў суседняй ужо катаем снегавіка і хутка будзем катацца на санках», – пісалі мясцовыя жыхары.
Па скаргах было зразумела, што пацярпела ад аварыі і рагачоўская лякарня.
«Чаму няма запуску сістэмы ў бальніцы. Людзі з пнеўманіяй з кашлем. Холад неймаверны», – напісала А.Н.
Рамонтныя работы вяліся усю ноч, бліжэй да ранку «КЖЭУП Рагачоў» паведаміў пра пачатак аднаўлення падачы цяпла. Гэта пацвярджалі і жыхары, але ў шэрагу кватэраў было халодна мінімум да абеду. Апошняе такое паведамленне паступіла ў 15.03, камунальшчыкі адсправаздачыліся пра адпраўленую брыгаду.
