Балаклавы і шмат зброі – як школьнікаў завабліваюць у войска і міліцыю

Школьнікаў возяць на «дні адкрытых дзвярэй» у мясцовыя аддзяленні міліцыі, да іх у школы прыязджаюць вайскоўцы з выставай зброі – паглядзелі, як у Гомельскай вобласці заманьваюць на службу школьнікаў.

Толькі з пачатку месяца вядома пра тры такіх мерапрыемства ў Гомельскай вобласці.

Апошні вядомы выпадак быў сёння ў Жлобіне. Старэйшакласнікі наведалі мясцовае аддзяленне міліцыі, пастаялі ў дворыку, дзе часцяком стаяць «расцяжцы» затрыманыя (у тым ліку па палітычных прычынах), прымерылі шлемы і памацалі зброю.

І калі намеснік начальніка РАУС Аляксандр Сяргеенка выступаў перад падлеткамі з адкрытым тварам, шэраг супрацоўнікі рабілі гэта ў балаклавах.

З Ваеннай акадэміі ў Калінавічы прыязджалі ўчора. Там не абмяжоўваліся паказам зброі толькі для старэйшакласнікаў, доступ да зброі мелі ўсе. Падпалкоўнік Мікалай Патапчык і курсанты завабівалі у акадэмію, распавядалі пра ўмовы паступлення, спецыфіку навучання і ільготы і сацыяльныя гарантыі.

Прафесійную агітацыю з дэманстрацыяй правялі 1 сакавіка і сярод удзельнікаў абласнога конкурсу ролікаў пра шкоду наркотыкаў у Гомелі. Галоўным арганізатарам творчага спаборніцтва стаў Чырвоны крыж, але ў Беларусі гэтая арганізацыя даволі моцна адрозніваецца ад падобных у дэмакратычных краінах (супраца з ім і фінансаванне прыпыненыя міжнародная структурай).

Штодзень

Related posts

“За ідэю ці ілюзію заробку”. Гамяльчане зноў абмяркоўваюць нізкія зарплаты і цяжкасці з пошукам працы

У Гомелі некалькі выпадкаў суіцыду сярод падлеткаў

“Размова запісваецца”. Гамяльчанін паскардзіўся на ваду, а ў 115 зрабілі заўвагу яму самому