409
Відэа з стыхійным «фантанам» бруду выклалі мясцовыя жыхары Хойнікаў у лакальным чаце. Іншы карыстальнік, які часцяком рэагуе на камунальныя праблемы горада, каротка напісаў: «Прамыўка сетак».
Як бы тое ні было, такая «прамыўка» выглядае эпічна: фантан б’е вышэй за бліжэйшы плот. Вакол яго няма ніякай агароджы, у выніку ўсё залітае бруднай вадой. Пэўна ж, дастаецца і машынам, якія едуць па дарозе. Не кажучы ўжо пра мінакоў, якія могуць патрапіць пад такі «дождж».
Гэтай жа прамыўкай трубаў улады тлумачаць перыядычную адсутнасць вады ў некаторых дамах. Прычым, працэдуру плануюць завершыць толькі 7 траўня «у сувязі з вялікім забруджваннем трубаў».
