“Пойма Дняпра тут захавалася ў некранутым стане – са шматлікімі меандрамі, пратокамі і балотамі… Падчас вясновага разводдзя рака разліваецца да 5 км у шырыню”, – піша тэлеграм-канал “Дзікая прырода побач”.
![](https://homeldays.org/wp-content/uploads/2024/04/438058635_837875261712214_870529143708384674_n.jpg)
Малюнак-схема будучага заказніка (тг “Дзікая прырода побач”).
Тут шмат паплавоў і хмызняку, чаротна-трысняговых зараснікаў і старыц. Дубальт, драч, малая крычка, звычайны пагоніч, ластаўка-зямлянка і многія іншыя віды птушак лічаць гэтыя тэрыторыі аднымі з найважнейшых для сябе. А яшчэ раней гэтая тэрыторыя атрымала адразу тры міжнародныя статусы: як тэрыторыя важная для птушак, як Рамсарскае ўгоддзе і як аб’ект Смарагдавай сеткі Савета Еўропы.
![](https://homeldays.org/wp-content/uploads/2024/04/438098892_837875478378859_5456946556604639836_n-1024x724.jpg)
Звычайны пагоніч (аўтар фота Сяргей Козак).
“Пойма ракі Днепр” – гэта адна з 17 тэрыторый, якія маюць шанец павысіць свой прыродаахоўны статус да 2035 года. Гэта стала магчыма дзякуючы працы экспертаў кампаніі “Дзікая прырода” і Навукова-практычнага цэнтра НАН Беларусі па біярэсурсах.
![](https://homeldays.org/wp-content/uploads/2024/04/437529584_837875395045534_4941092403968258607_n-1024x691.jpg)
Дубальт (аўтар фота Сяргей Зуёнак).
Кароткі даведнік:
Меандр – выгіб рэчышча ракі, які ўтварыўся з прычыны выхаду скальных парод або пераважных вятроў.
Ста́рыца, старарэ́чча — частка былога рэчышча ракі.
Рамса́рскае ўгоддзе – водна-балотнае ўгоддзе, якое ахоўваецца ў адпаведнасці з Рамсарскай канвенцыяй (была падпісана 2 лютага 1971 года ў іранскім горадзе Рамсар).
Смарагдавая сетка – сетка прыродных тэрыторый асаблівага агульнаеўрапейскага значэння, якія маюць важнае значэнне для захавання флоры і фаўны ў іх натуральным асяроддзі.
Малюнак-схема будучага заказніка (тг “Дзікая прырода побач”), дубальт (аўтар фота Сяргей Зуёнак), звычайны пагоніч (аўтар фота Сяргей Козак).