Малавядомыя шэдэўры графікі-выяваў гомельскага парку пачатку 1920-х
Такім гомельскі парк бачыў вядомы мастак у 1920-х
Супрацоўніца Нацыянальнага мастацкага музея Надзея Усава падзялілася з гомельцамі малавядомымі ўзорамі прац мастака-графіка Анатоля Тычыны, на якіх можна пазнаць вядомыя краявіды Гомеля 1920-х.
“Гомель – мой родны горад. Таму з вялікай радасцю як куратар выставы выкарыстала магчымасць паказаць усім маленькія шэдэўры графікі 1922-1923 гадоў – выявы гомельскага парку Анатоля Тычыны – гонара майго горада і любімага месца гамельчан і шматлікіх турыстаў. Такім парк быў на пачатку 1920-х.
На пачатку 1920-х Тычына працаваў мастаком-афарміцелем пры Упраўленні Заходняй чыгункі. Яго калега, малады мастак-імпрэсіяніст з Гомеля Уладзімір Кудрэвіч, былы тэлеграфіст на чыгунцы, адкрыў для Тычыны прыгажосць гомельскага парку, які па-ранейшаму захоўваў сляды былой раскошы “вытанчанага садаводства” палацавага комплексу князёў Паскевічаў (яшчэ не парку культуры імя Луначарскага).
Натхнёны восеньскай прыгажосцю куткоў гомельскага парку і веліччу палаца, Тычына стварыў цыкл з акварэляў, які толькі адзіны раз паказаў на Першай Усебеларускай выставе 1925 года…”, – такі суправаджальны тэкст да выяваў у ФБ-суполцы “Гомель. Гісторыя і Архітэктура” пакінула куратарка выставы Анатоля Тычыны Надзея Усава.
Штодзень