Ілюстрацыйнае фота
Мяркуючы па звестках, актуальных на пачатак 2023 года, насельніцтва Гомельшчыны складае прыкладна 1,3 мільёна чалавек. І гэта трэці па колькасці рэгіён Беларусі пасля Менску і Менскай вобласці. Пераважная частка насельніцтва рэгіёну — 77% — пражывае ў гарадах і гарадскіх пасёлках. Пры гэтым у сталіцы рэгіёна сканцэнтравана 37,2% усяго насельніцтва Гомельшчыны – 501 тысяча чалавек. Другім па колькасці насельніцтва ў рэгіёне лічыцца Мазырскі раён. Там пражывае 127 тысяч чалавек. А вось самым маленькім застаецца Нараўлянскі раён са сваімі 10,5 тысячамі насельніцтва.
Наступная інфармацыя сапраўды здзіўляе. Аказваецца, на Гомельшчыне даволі сур’ёзны гендарны перакос. На 724 тысячы жанчын прыпадае ўсяго 622 тысячы мужчын. Розніца – больш чым у 100 тысяч чалавек.