“Вялікая кніга прыгод Пэтсана і Фіндуса” ужо ў продажы!

Пабачыла свет вялікая кніга пра старога Пэтсана і кацяня Фіндуса шведскага дзіцячага пісьменніка і мастака Свэна Нурдквіста. Кнігу на беларускую мову пераклала Надзея Кандрусевіч.

“Вялікая кніга прыгод Пэтсана і Фіндуса” складаецца з пяці розных гісторый. Мы даведаемся, хто такія Пэтсан і Фіндус, атрымаем рэцэпт бліннага торта, сходзім на паляванне на ліса, выправімся ў цікавую вандроўку, а таксама сустрэнем курэй, кароў і… мюклаў.

“Вялікая кніга прыгод Пэтсана і Фіндуса” выйшла ў выдавецтве – ІП Кандрусевіч Надзея. Знайсці кнігу можна ў:

– Акадэмкнізе

– www.knihi.by

– www.kniganosha.by

– www.tn.by

Свэн Нурдквіст – папулярны шведскі дзіцячы пісьменнік і ілюстратар, сучасны класік дзіцячай літаратуры. Яго гісторыі падабаюцца і дзецям, і дарослым.

“Мова Гомель” спецыяльна для “Штодзень”