Акцыю пад лозунгам “Жанчыны Беларусі з любоўю з Гомеля — сем’ям Данбаса” праводзіць фонд Талая і Гомельская арганізацыя “Беларускі саюз жанчын”.
Аляксей Талай – інвалід-вазочнік, які займаецца прапагандай вайны, адкрыта падтрымлівае незаконныя тэрарыстычныя фармаванні ДНР-ЛНР, часта наведвае акупаваныя ўкраінскія тэрыторыі, за што ўнесены ў базу “Міратворца” (сайт, на якім вядзецца ўлік асобаў, якія здзяйсняюць злачынствы супраць нацыянальнай бяспекі Украіны).
На сайце “Міратворац” Аляксею Талаю прысвечаная старонка
У Гомелі распаўсюджваецца інфармацыя пра акцыю “Эстафета дабрыні ў святочныя дні для сем’яў Марыупаля, Данецка, Луганска і Херсонсай вобласці”. У межах акцыі збіраюць як салодкія падарункі, так і грашовыя ахвяраванні, якія можна рабіць наўпрост праз сістэму ЕРЫП. Нагадаем, паводле праваабаронцаў, у Беларусі пераследуюцца грамадзяне за данаты і ахвяраванні на карысць розных грамадзкіх ініцыятыў, якія ўлады Беларусі абвясцілі экстрэмісцкімі фармаваннямі. Фонду, які стварыў фігурант “Міратворца”, наадварот далі зялёнае святло.
