Вось толькі ўдзел на такім “Пяршынстве Еўропы” прымуць спартсмены толькі з пяці краін. І дзве з іх – Беларусь і Расея.
Ілюстрацыйнае фота
Гомельскія чыноўнікі анансуюць мерапрыемства з гонарам. Паведамляюць, што адкрыццё міжнародных спаборніцтваў пройдзе 23 чэрвеня ў 14 гадзін у Гомельскім абласным цэнтры алімпійскага рэзерву па лёгкай атлетыцы (манеж “Дынама”, вул. Юбілейная, 52), што на саміх спаборніцтвах будуць разыграны 8 камплектаў Чэмпіянату і 10 камплектаў Пяршынства і што пасля завяршэння спаборніцтваў спартсмены правядуць майстар-класы для балельшчыкаў – з “выкарыстаннем прафесійных нажоў, акрэдытаваных Міжнароднай федэрацыяй”.
Сумна тое, што ўдзел у Чэмпіянаце і Пяршынстве Еўропы прымуць 70 спартсменаў з усяго пяці краінаў, і гэта Беларусь, Расея, Грэцыя, Венгрыя і Сербія. Узрост удзельнікаў спаборніцтваў – ад 12 да 72 гадоў.