Навіны горада

«Рускі дом» уцягвае гомельскіх школьнікаў у святкаванне 10-годдзя анексіі Крыма

Конкурс малюнкаў школьнікаў, прысвечаны да 10-годдзя анексіі Крыма, абвясціў гомельскі «Рускі дом» (прадстаўніцтва сумна вядомага Рассупрацоўніцтва).

Ілюстрацыйнае фота

Арганізатары збіраюць любыя аўтарскія карціны дзяцей ад 12 да 17 год, але абавязкова да малюнка просяць прыкласці верш (на 4 радкі) пра Крым. Не ўказваецца, што яны плануюць рабіць з творчымі работамі, дзе будзе напісана пра тое, што паўвостраў належаў і будзе належыць да Украіны.

Асноўныя патрабаванні ў цэлым невысокія: «работа павінна быць творчай і самастойнай», прызы збіраюцца выдаць усім удзельнікаў. Гэта ўскосна ўказвае на прапагандысцкую і палітычную аснову «конкурсу».

Важна памятаць, што «Рассупрацоўніцтва» і ягоныя «Рускія дамы» – інструмент так званай «мяккай сілы» Расіі, праз якую яна прасоўвае свае каштоўнасці і ідэалы.

Анексія Крыма была праведзеная Расіяй у лютым-сакавіку 2014 года і не прызнаная большай часткай (і ўсімі дэмакратычнымі краінамі) сусветнай супольнасці.

Штодзень