Намеснік старшыні ліквідаванай уладамі Беларускай асацыяцыі журналістаў Барыс Гарэцкі апублікаваў фотаздымак аднаго з пакояў у доме Ларысы Шчыраковай. З фота вынікае, што падчас ператрусу асобы, якія гаспадарнічалі ў чужой хаце, з цэласнасцю рэчаў былой журналісткі не цырымоніліся.
Ларыса Шчыракова праз трое сутак знаходжання ў ІЧУ на волю так і не выйшла, што сведчыць пра верагоднасць яе пераводу ў СІЗА. Непаўналетні сын Ларысы, Святаслаў, дагэтуль утрымліваецца ў сацыяльна-педагагічным цэнтры.
Ані калегі, ані сваякі былой журналісткі не ведаюць, на якой падставе арыштавалі Ларысу.