З пачатку сакавіка ў больш чым 10 раёнах Гомельскай вобласці міліцыя абвясціла пра дадатковыя мерапрыемствы па супрацьдзеянню незаконнаму звароту зброі і боепрыпасаў. Пры гэтым у 2023 годзе з абароту сілавікі вывелі 1043 адзінак, амаль траціну з іх залічылі ў нелегальныя і ці канфіскавалі, ці жыхары здалі дабраахвотна.
Ілюстрацыйнае фота
Такія лічбы агучыў першы намеснік начальніка абласной міліцыі Анатоль Васільеў. Паводле яго, незарэгістраванай зброі было канфіскавана 100 адзінак, яшчэ 194 жыхары рэгіёну здалі дабраахвотна. Таксама сілавікі вывелі з абароту больш за 34 тысячы баепрыпасаў.
Мерапрыемствы рэалізуюцца ў Гомельскім, Добрушскім, Рэчыцкім, Лоеўскім, Брагінскім, Хойніцкім, Ельскім, Нараўлянскім, Калінкавіцкім, Мазырскім і Лельчыцкім раёнах.
Сілавікі чакаюць на добраахвотна здадзеную агнястрэльную, газавую, пнеўматычную, метацельную, халодную зброю і боепрыпасы і рэчывы для ўзрываў. А тых, хто гэта не зробіць пужаюць крымінальнай і адміністрацыйнай адказнасцю.
