Інфармацыя пра буйныя штрафы за паламаныя галіны дрэваў і кустоў упершыню з’явілася ў сувязі з квітненнем бэзу. Цяпер актуалізавалася праз сезон машкары.Відэа з «танцуючымі людзьмі», якія адбіваюцца ад насякомых адламанымі галінкамі, патрапіла ў Цік-Ток і такім чынам прыцягнула ўвагу дзяржпрапаганды.
Падобныя захады падтрымалі і ў аддзеле гомельскага аблвыканкаму прыродных рэсурсаў і аховы навакольнага асяроддзя. Яго начальнік Міхаіл Шалупаеў кажа, што яны «як эколагі» выступаюць «катэгарычна супраць нанясення пашкоджанняў аб’ектам расліннага свету» і нагадаў пра штрафы.
Узамен на рэгіянальным тэлебачанні заклікаюць прымяняць рэпеленты або народныя сродкі і не чапаць расліннасць.
Хоць там і паказалі людзей, якія ўжо адламалі галінкі, пакуль размовы пра заведзеныя адміністрацыйныя справы, гледзячы па ўсім, не ідзе.