У Гомельскай абласной бібліятэцы ўжо чатыры гады не праводзяцца вечары памяці ахвяр палітычных рэпрэсій сталінскага рэжыму. Апошні раз падобнае мерапрыемства адбылося ў лістападзе 2019 года.
Апошні вечар памяці ахвяр сталінскіх рэпрэсій у Гомельскай абласной бібліятэцы
Гомельская епархія Беларускай Праваслаўнай Царквы пяць год запар праводзіла вечары памяці ахвяр сталінскіх рэпрэсій у Гомельскай абласной бібліятэцы. Калі раней Гомельская епархія знаёміла гомельцаў з лёсам забітых святароў падчас сталінскіх рэпрэсій у будынку бібліятэкі, то цяпер абмежавалася службай і малітвай у памяць ахвяраў рэпрэсій у межах храмаў. Прычым вось ужо два гады Гомельская епархія нават не згадвае, што гэта былі менавіта сталінскія рэпрэсіі. На сайце Гомельскай епархіі проста адзначаецца, што ў 1937 годзе “святары і міране былі жорстка забітыя за свае перакананні і веру ў Хрыста”.
Служба ў памяць пра ахвяр рэпрэсій у Гомелі. Фота: https://eparhiya.by/
Сёлета ў Гомельскай абласной бібліятэцы ў канцы кастрычніка і ў лістападзе адбыліся мерапрыемствы накшталт краязнаўчая дыктоўка да 80-годдзя вызвалення Гомеля ці абласны антыфашысцкі форум.
