Толькі за апошні час на гарачую лінію Камітэта дзяржкантролю з гэтай нагоды паступіла больш за 70 скаргаў ад жыхароў рэгіёна.
Ілюстрацыйнае фота
Больш за ўсё нараканняў на адсутнасць рамонту альбо дрэнны рамонт паступае ад жыхароў Гомельскага, Веткаўскага, Мазырскага, Жлобінскага і Ельскага раёнаў.
Паводле афіцыйнай версіі Камітэта дзяржкантролю, прычына разбітых дарог у вобласці –«непрыняцце эксплуатуючымі арганізацыямі і мясцовымі органамі ўлады мер па своечасовым рамонце дарожнага пакрыцця».Простымі словамі – не справіліся ці не захацелі спраўляцца чыноўнікі на месцах.
У прыватнасці, у Ветцы, дзе чамусьці так і не знайшлі сіл і сродкаў на рамонт праезнай часткі на вуліцах Садовая, Беларуская і Хутарская – там яма на яме. На Шашэйнай і Савецкай вуліцах у Жлобіне ўвогуле адсутнічае пешаходная частка дарогі. А ў Мазыры быццам бы і правялі ямачны рамонт, але так дрэнна, што мясцовыя жыхары пачалі скардзіцца ў Дзяржкантроль.
Дзяржорган паведамляе, што ўзяў вырашэнні ўсіх гэтых пытанняў пад свой асабісты кантроль.
