У ім сказана, што пад украінскія санкцыі тэрмінам на 10 гадоў трапілі 6 беларускіх кампаній, звязаных з рэжымам Лукашэнкі. А таксама 2 фізічныя асобы з Беларусі: Аляксандр Мароз і Аляксей Шкадарэвіч. Мы праверылі: абодва — навукоўцы Акадэміі навук Беларусі, вядуць распрацоўкі ў галіне лазернай фізікі і оптыка-электроннага і лазернага прыборабудавання.
Фота: Яндэкс
Вядома, што Рагачоўскі завод «Дыяпраектар» пабудаваны Міністэрствам абароннай прамысловасці яшчэ ў СССР і быў патрэбны для выпуску ваеннай прадукцыі: аптычных начных прыцэлаў на баявыя машыны БМП, БМД, танкі Т-55, Т-62, Т-72, а таксама прыбораў начнога бачання. Уласна кажучы, сёння прыярытэтным на заводзе таксама застаецца выпуск вырабаў ваеннага напрамку і спецпрызначэння.
У спісе астатніх беларускіх кампаній, якія трапілі пад санкцыі Украіны на 10 гадоў, значацца:
- ААТ «Зеніт-БелОМА»,
- ААТ «Завод«Оптык»,
- «Цэйс-БелОМА»,
- ТАА «КБ беспілотныя Верталёты»,
- РУП«Навукова-вытворчы цэнтр шматфункцыянальных беспілотных комплексаў».
