Абставіны канфіскацыі недабудаў не раскрываюцца, але яна зробленая ў межах Указа №87, адпаведна, гаспадары ўчасткаў не паспелі закончыць будаўніцтва дамоў за тры гады.
Вёска Цагельня Прыбыткоўскага сельсавета знаходзіцца недалёка ад Гомеля.
Недабуды прадавалі з аўкцыёнаў, распавядае мясцовая раёнка. Першы з іх стартаваў з 13,8 тысячы рублёў (плюс расходы на падрыхтоўку дакументаў). На будынак з участкам прэтэндавалі пяць чалавек, у выніку яго прадалі амаль за 41 тысячу рублёў.
Другі недабуд прадстаўляў з сябе толькі падмурак. Спрачаліся за яго два чалавекі, тым не менш зацікаўленасць у аб’екце была такая вялікая, што яго прадалі нават трохі даражэй – больш чым за 41 тысячу рублёў.
Мясцовая раёнка не ўдакладняе, ці ўдзельнічалі ў аўкцыёнах мінулыя гаспадары. У любым выпадку цяпер пераможцы аўкцыёнаў павінны за тры гады паставіць сцены і дах дамоў, наводзіць парадак каля іх. Тады, магчыма, у іх гэтую маёмасць не адбяруць. Пакуль жа грошы за продаж недабудаў атрымаў раённы бюджэт.