Маскву ў сённяшнім Гомелі можна пабачыць дзе заўгодна. Нават у кавярні, калі проста збіраешся паесці
Сетка хуткага харчавання KFС не лічыць патрэбным друкаваць для Беларусі асобныя падкладкі на падносы. Там, дзе маглі б быць выказванні мінчукоў ці гарадзенцаў, месцяцца думкі масквічоў.
Малаверагодна, што ў гэтым ёсць нейкі палітычны падтэкст. Хутчэй за ўсё, так танней – друкаваць вялікім накладам на дзве краіны. Але друкуе ж гэтая сетка ўсё неабходнае на нацыянальных мовах у Латвіі ці Літве, якія куды меншыя па колькасці насельніцтва, чым Беларусь. І сайты KFС у гэтых краінах, адпаведна, на латышскай і літоўскай мовах. Беларусы ж вымушаны выбіраць паміж расійскай і англійскай версіямі.