Па звестках гомельскіх уладаў, у рэгіёне ў чарзе на зямельныя ўчасткі пад індывідуальнае жыллёвае будаўніцтва ў вобласці стаіць больш за 1900 чалавек. Пры гэтым, у вобласці ёсць больш за 3700 такіх участкаў.
Мястэчка Раманавічы. Фота: romanovichi.ucoz.com
Нюанс у тым, што ахвотныя і ўчасткі не размеркаваныя раўнамерна: у некаторых раёнах адсутнічае чарга, а ў некаторых – тых, хто гатовы будавацца, болей, чым даступных тэрыторыяў.
Улады абвясцілі, што ў такіх выпадках яны падбіраюць «масівы для вылучэння з-пад будаўніцтва».
Ёсць яшчэ адзін механізм, які чыноўнікі актыўна выкарыстоўваюць для насычэння рынку ўчасткамі. Пра яго распавяла ў траўні Старшыня абласнога Савета дэпутатаў, член Савета Рэспублікі Кацярына Зянкевіч.
Паводле яе звестак, пасля прыдуманага Лукашэнкам указа пра спрошчаны парадак адчужэння жылых дамоў за два апошніх гады прададзена ў 4,5 разы болей пустых будынкаў, чым за ранейшыя тры. Плюс за 4 месяца гэтага года прадалі яшчэ 54 дома.
У адпаведнасці з гэтым указам, улады прадаюць дамы, якія пустуюць больш за тры гады. Некаторыя і за 1 базавую велічыню.