Ганаровы мітынг у савецкім стылі арганізавалі ўлады да прыбыцця расійскага цеплавоза ТЭМ18ДМ. Далей улады збіраюцца закупіць 10 грузавых магістральных цеплавозаў, 15 манеўровых і 10 дызеляў і электрычак – найхутчэй, у тых жа расіянаў.
Фота: Гомельская праўда
Між тым, калі пашукаць, можна знайсці, што падобнае мерапрыемства праводзілася ў 2011 годзе. У Мінску віталі ўрачыстую перадачу ў вопытную эксплуатацыю першага беларускага манеўровага цеплавоза серыі ТМЭ-1. Гэтыя цеплавозы рабілі ў Лідзе ў супрацы з чэшскай кампаніяй CZ LOKO a.s., перарабіўшы старую чэхаславацкую мадэль, якая была вельмі распаўсюджаная ў СССР.
Пра гэты праект даўно нічога не чутна (апошнія знойдзеныя лічбы пра выпуск тычацца 2014 года).
Гэтая гісторыя, пэўна што, з’яўляецца добрым прыкладам «імпартазамяшчэння», якое на справе аказваецца набыццём расійскіх аналагаў.