Дата пачатку працэсу над праваабаронцам Леанідам Судаленкам прызначаная на 12 чэрвеня, працэс будзе адбывацца ў Гомельскім абласным судзе.
Леанід Судаленка Фота: з асабістай старонкі ў ФБ
Новая крымінальная справа ў фармаце спецвытворчасці, як паведамляюць праваабаронцы з «Вясны», была адкрытая ў лістападзе 2023 года. Судаленку абвінавачваюць у садзейнічанні экстрэмісцкай дзейнасці.
Справу будзе разглядаць суддзя Анатоль Сотнікаў.
Каментуючы спецвытворчасць супраць сябе, праваабаронца звярнуў увагу на тое, што пры яе правядзенні парушаюцца нават яе правілы: з ім па гэтай справе ніхто не звязаўся. Адпаведна, яму дагэтуль не вядомая сутнасць выстаўленых прэтэнзій, ён не змог азнаёміцца з працэсуальнымі дакументамі па справе.
Леанід Судаленка былы палітвязень, адбыў тры гады пазбаўлення волі. У ліпені 2023 года праваабаронца выйшаў на волю і выехаў з Беларусі.