Паводле інфармацыі, апублікаванай выданнем “Чарнігаўскі час”, украінскія вайскоўцы папярэджваюць: Расія можа скарыстаць вайсковыя вучэнні на тэрыторыі Беларусі для спробы наступу на паўночным напрамку.
Фота: cntime.cn.ua
Паводле намесніка камандзіра 3-й асобнай штурмавой брыгады Максіма Жорына, такія дзеянні могуць перарасці ў наступ на Кіеўскую, Валынскую, Жытомірскую, Ровенскую або Чарнігаўскую вобласць.
«Калі вораг палічыць, што нашы сілы на мяжы занадта слабыя, ён можа паспрабаваць прарваць мяжу на гэтым кірунку. Гэта мэта дагэтуль застаецца прывабнай з ваеннага пункту гледжання для расейцаў. Гэта тыя самыя памежныя тэрыторыі, куды расейцы хацелі ўвайсці. Існуе стары план, паводле якога яшчэ на пачатку поўнамаштабнага ўварвання яны хацелі хутка дайсці да ключавых лагістычных шляхоў і перарэзаць магістралі, што злучаюць заходнюю частку Украіны з усходняй», — адзначае Жорын.
Тым часам у Беларусі месцы вучэнняў нібыта «адсунулі» далей ад мяжы з краінамі НАТА. Вучэнні «Захад-2025», якія першапачаткова планаваліся на лета, цяпер перанесеныя на верасень. Пра гэта заявіў міністр абароны Беларусі генерал-лейтэнант Віктар Хрэнін.
