Найбольш гатовы да Новага году сам Гомель. Вялікая ялінка на плошчы Леніна ўжо фактычна гатовая, не хапае толькі ўпрыгожанняў.
Абяцаюць таксама, што каля ялінкі зальюць коўзанку. Ягоная плошча будзе каля 1000 квадратных метраў.
Таксама ўпершыню ўпрыгожаць набярэжную. Сярод іншага збіраюцца там зладзіць «Парад ялінак прадпрыемстваў і арганізацыяў». Пакуль цяжка прадказаць, будзе гэта прыгожа ці трэшова.
Да фіналу ўзвядзення навагодняй ялінкі наблізіліся ў Мазыры. Яе збіраюць як канструктар з часткі жывога дрэва і штучнай асновы.
У Светлагорску ялінку толькі пачалі ставіць. Па зялёных прутах і аснове становіцца зразумела, што яна будзе штучнай. Ялінка будзе стаяць на Цэнтральнай плошчы.