Замест арганізацыі новых абсталяваных пляжаў улады і сілавікі ідуць іншым шляхам: яны змагаюцца з тымі, хто купаецца ў непрыстасаваных месцах. Супрацоўнікі таварыства ратавання на водах, МНС і сілавікі штодзённа праводзяць рэйды.
«Падлеткі пражываюць у розных раёнах горада. Сустрэліся і без суправаджэння дарослых прыйшлі да вадаёма. Нягледзячы на ўсталяваныя забаронныя знакі, якія паказваюць, што ў дадзеным месцы купанне забаронена, – зайшлі ў ваду», – паскардзіўся мясцовай раёнцы начальнік інспекцыі па справах непаўналетніх Жлобінскага РАУС Віталь Акуліч.
Пра далейшы лёс затрыманых не распавядаецца.
Пры гэтым, трэба сказаць, што кожны сезон у Беларусі тонуць за сезон больш за 300 чалавек. У тым жа Жлобіне 4 чэрвеня патанулі два падлеткі. У Добрушы ўчора – яшчэ адзін.
Іншае пытанне, ці можна вырашыць гэтую праблему падобнымі забаронамі і затрыманнямі, як і малаэфектыўнай агітацыйнай кампаніяй.