“У гадавіну антыімперскага паўстання супраць Расіі 1863-1864 мы (Беларусы Кіева і Беларускі Грамадзянскі цэнтр) аб’яўляем конкурс на лепшы памятны знак у скверы Каліноўскага”, – напісаў у сацыяльных сетках адзін з ініцыятараў акцыі па навядзенні парадку ў скверы Валер Сляпухін.
Цяперашні выгляд сквера імя К. Каліноўскага
Для ўдзелу неабходна даслаць арганізатарам сваю прапанову да 27 лютага на скрыню: belaruskiev@gmail.com. Пераможцу будзе чакаць прыз. Таксама надалей збіраюцца сродкі на правядзенне самога конкурсу. Неабходна 1500 еўра.
Арганізатары абяцаюць не толькі прыз пераможцу, але і падарункі ўсім, хто дашле свой варыянт памятнага знака.
Нагадаем, у снежні сталася вядома, што перайменаванне сквера ў Кіеве ў гонар нацыянальнага героя Беларусі Кастуся Каліноўскага паспяхова прайшло ўсе фармальныя працэдуры.