Вялікая колькасць зняволеных (у тым ліку палітычных), а таксама недахоп спецыялістаў праз заўважную міграцыі апошніх чатырох гадоў робяць у Беларусі цуды: улады Гомельскай вобласці задумаліся пра сацыяльную адпатацыю былых зняволеных. Для гэтага ў рэгіёне плануюць стварыць асобны спіс вакансій для іх з магчымасцю атрымаць жытло.
“Сілавы блок, улада, усё грамадства і прадпрыемствы – кожны адказвае за эфектыўную сацыялізацыю асуджаных і грамадзян, якія знаходзяцца на ўліку ў органах унутраных спраў”, – абвясціў на пасяджэнні аблвыканкаму яго старшыня Іван Крупко.
Іван Крупко лічыць, што трэба ствараць эфектыўную сацыяльную адаптацыю былых зняволеных.
“У кожным раёне павінен быць спіс вакансій на розных прадпрыемствах і магчымасць выдзялення жылля”, – падсумаваў старшыня аблвыканкама.
